Клои имала напади на првиот ден од нејзиниот живот. Лекарите ни рекоа дека за време на породувањето имала сериозен недостаток на кислород и дека поради тоа добила тешка повреда на мозокот која предизвикала напади. Ни рекоа дека нејзиниот мозок нема да функционира на очекуваниот начин. Никој не можел да ни каже како ќе ја погоди повредата, но беа сигурни дека ќе има моторни проблеми. Такађе, се очекуваше слепило. Нејзиниот мозок изгубил премногу, бил премногу оштетен. Ова беше почетокот. Низ нејзината животна авантура изгледаше како да започнува не од стартната линија, туку многу под неа. Беше тешко да се слуша толку многу прогнози, но тие беа причината зошто решивме веднаш да почнеме да работиме колку што можеме и да обрнеме секој камен во своето трагање.

Докторите беа скептични во однос на било каков предлог за лекување на кој што се консултиравме со нив. Мозокот е како леден брег чиј само врв можеме да го видиме, а секој обид да се модификува неговата структура би бил многу скап и со непредвидливи резултати.

Но, и покрај овој скептицизам, чувствувавме со целото срце дека мораме нешто да направиме. Што побрзо и што посилно, тоа подобро. Кога имаше 2 месеци, најдовме Доман Интернешнл и нивната филозофија беше многу слична на нашата: напорно работи и верувај во своето дете, во неговиот огромен потенцијал.

Кога почнавме, ни нашите најлуди соништа не беа ни блиску до ова каде што сме сега. Се избори против сите прогнози и стана љубезно, интелигентно и физички одлично дете.

Списокот на нејзини постигнувања е огромен. Со 4 години може да чита над нивото на нејзините врсници и разбира основна математика. Без напор пишува многу зборови од секојдневниот живот. Учи да свири виолина и многу ужива во тоа. Способна е да заврши трка од 5 км, оставајќи зад себе возрасни кои не можат да го одржат нејзиниот темпо на трчање. Вози велосипед без стабилизатор, покажувајќи неверојатен осеќај за рамнотежа и самоповерење. Стана одговорна личност и помага во секојдневните задачи. Можеме да продолжиме да пишуваме, но ако го резимираме, сè што можеме да кажеме е дека таа е многу среќна и пријатна личност, која знае дека може да постигне сè што посака, само ако вредно работи, верува во себе и ако е водена од најголемата сила од сите, а тоа е – љубовта.

Ништо подобро за неа не можевме ни да замислиме. Никогаш не сме можеле да замислиме каква неверојатна авантура ќе живееме и колку ќе не натера ова патување да растеме. Секој родител кој ја чита нашата приказна испраќа нашите најубави желби, поддршка и наклонетост.